平時出席酒店活動多數係Bellboy負責，但bellboy剛剛返完通宵更，所以派咗剛訓醒，仲著住睡衣的真企鵝帶住假包袱兩個代表出席。Bellboy仲話呢間酒店係五星級酒店，餐廳環境好靚，一定要去見識下。
真企鵝和假包袱週末去到五星級酒店香港銀樾美憬閣精選酒店，食咗銀悦早午餐狂想曲，二百幾蚊價錢，食到這種環境、服務和食物水準的半自助餐，真係無得輸，若果其他角落朋友生日，慶祝紀念活動，帶佢黎食，一定非常開心。
銀悦早午餐狂想曲這個半自助餐食物款式不多，但肯定是重質不重量，每樣食物都確保新鮮熱辣美味，啱晒想要高級靚環境，食物好味又慳住銀包的角落手足。
The Enclave X The Pavilion Brunch Rhapsody
銀悦早午餐狂想曲
每位$278
銀悦早午餐狂想曲每位$278，包一個主菜和一杯餐飲，加錢可以升級食其他食物。
咁抵食，加錢試埋佢個海鮮拼盤。鮮味升級-海鮮拼盤兩位用（另加$288）包括阿拉斯加鱈場蟹腳、即開法國生蠔、新鮮大蝦，蜆或青口，配蛋黃醬及檸檬。法國生蠔嫩滑鮮味，啲蝦大大隻，肉質彈牙新鮮。特別一提係阿拉斯加鱈場蟹腳，超巨型，第一次食自助餐食到咁巨型嘅蟹腳，這個海鮮拼盤落足本呀。
前菜自助吧的食物就有什肉拼盤
、煙三文魚、烤櫛瓜沙拉、布里芝士、車打芝士、藍紋芝士、沙律菜、意粉沙律、涼拌酸辣蓮藕
、椰菜花沙律、青瓜、聖女果
、粟米、什錦酸菜、菠蘿、甜椒
燕麥 （脫脂牛奶、全脂牛奶）。可以自製沙律，亦有廚師炮製好的沙律，覺得廚師整好嘅沙律比自己整的更好味。
自助餐有職員長期駐守即叫即整港式雞蛋仔和煎蛋檔，我監視咗佢好耐都無走開過，唔似其他酒店要周圍揾職員。雞蛋仔好香脆，自己可以加配料唧朱古力醬。煎蛋檔可以叫佢整煙三文魚班尼迪克蛋、奄列、荷包蛋、水波蛋、炒蛋和太陽蛋。
湯品是超濃郁的番茄湯，仲有各式剛剛焗起出爐的甜點（牛角包、提子酥、朱古力酥、葡撻）和各式麵包。
甜品自助吧新有甜酸度適中的新鮮麵包布甸、甘筍蛋糕、芝士蛋糕、意大利奶凍和鮮水果拼盤（蘋果、哈蜜瓜、香蕉、西瓜、菠蘿）。甘筍蛋糕，芝士蛋糕和意大利奶凍都係用足靚料，一食就食得出。
主菜就叫了美國燒肉眼扒配薯條及紅酒燒汁（另加$98），牛扒大大件，唔韌，有焦牛肉香味。
另一個主菜就點了香煎扒三文魚配忌廉薯蓉及檸檬牛油汁，魚扒煎得好靚，魚皮得脆口，魚肉鮮甜，配上忌廉薯蓉和濃郁忌廉檸檬牛油汁，口感提升更豐富。
半自助餐送咖啡或茶，今次就飲了熱檸茶和熱咖啡，點了杯latte，仲有拉花圖案可以欣賞。
The Enclave (東涌)
東涌達東路16號香港銀樾美憬閣精選酒店9樓
The Pavilion (東涌)
東涌達東路16號香港銀樾美憬閣精選酒店9樓
#酒店 #美食 #buffet #自助餐 #半自助餐 #打卡 #Staycation #Hotel #香港銀樾美憬閣精選酒店 #The Pavilion #The Enclave #The Silveri Hong Kong - MGallery
(此文章由U Blog 同步發佈至社群)
